He thu hi nimin August 20, 2024 a Assembly Session ah East Tuipui bialtu, MNF MLA Ramthanmawia zawhna Power & Electricity Department Minister F. Rodingliana'n a chhan danin Sorkarin Electric bill ba cheng Vbc 134.90 a nei mek tih a sawi.

Hetih lai hian August ni 15, 2024 India Independence Day lawmna, Aizawl sipai Lammual a neih ah khan Chief Minister Lalduhoma chuan thusawiin Electric bill ba pek tlak anih tawh thu a sawi thung.

Chief Minister chuan, "Kan Sorkar hnuah Electric Bill ba tling khawm Cheng Vaibelchhe 448 pek tlak a ni tawh a. A huna pek loh avanga chawi tur (Surcharge) Cheng Nuai 58 chawi a ngaih loh phah mai bakah a hun taka pek a nih avangin hamṭhatna (Rebate) Cheng Nuai 35.25 hmuh let a ni nghe nghe," tiin a sawi a ni.